భారత్‌ - చైనా బలగాల మధ్య లద్దాక్ వద్ద గాల్వన్‌ లోయలో చోటుచేసుకున్న తీవ్ర ఘర్షణలో 20 మంది భారత సైనికులు వీరమరణం పొందిన ఘటన యావత్‌ దేశాన్ని కలచివేసింది. ఈ ఘర్షణలో అమరులైన వీర జవాన్ల పేర్లను భారత సైన్యం విడుదల చేసింది. మృతుల్లో ఒకరు కల్నల్ కాగా మిగతా వారు నాయిబ్ సుబేదార్, హవల్దార్, సిపాయి హోదా కల్గిన వారు ఉన్నారు.
- 1. బి.సంతోష్‌బాబు (కల్నల్) - సూర్యాపేట, తెలంగాణ
- 2. నాదూరాం సోరెన్‌ (నాయిబ్ సుబేదార్) - మయూర్‌బంజ్‌, ఒడిశా
- 3. మన్‌దీప్‌ సింగ్‌ (నాయిబ్ సుబేదార్) - పటియాలా, పంజాబ్
- 4. సత్నం సింగ్‌ (నాయిబ్ సుబేదార్)- గురుదాస్‌పూర్‌, పంజాబ్
- 5. కె. పళని (హవల్దార్) - మధురై, తమిళనాడు
- 6. సునీల్‌ కుమార్‌ (హవిల్దార్‌) - పట్నా, బిహార్‌
- 7. బిపుల్‌ రాయ్‌ (హవిల్దార్‌) - మేరఠ్ నగరం, ఉత్తర్‌ప్రదేశ్‌
సిపాయిలు..
- 8. దీపక్‌ కుమార్‌ - రీవా, మధ్యప్రదేశ్‌
- 9. రాజేష్‌ అరంగ్‌ - బిర్భుం, బంగాల్‌
- 10. కుందన్‌ కుమార్‌ ఓఝా - సాహిబ్‌ గంజ్‌, ఝార్ఖండ్‌
- 11. గనేష్‌ రాం - కాంకేర్‌, ఛత్తీస్‌గఢ్‌
- 12. చంద్రకాంత ప్రధాన్‌ - కందమాల్‌, ఒడిశా
- 13. అంకుశ్‌ - హమిర్‌పుర్‌, హిమాచల్‌ప్రదేశ్‌
- 14. గుర్విందర్‌ - సంగ్రూర్‌, పంజాబ్
- 15. గుర్‌తేజ్‌ సింగ్‌ - మాన్సా, పంజాబ్
- 16. చందన్‌ కుమార్‌ - భోజ్‌పూర్‌, బిహార్‌
- 17. కుందన్‌ కుమార్‌ - సహస్ర, బిహార్‌
- 18. అమన్‌ కుమార్‌ - సమస్థిపుర్‌, బిహార్‌
- 19. జైకిశోర్‌ సింగ్‌ - వైశాలి, బిహార్‌
- 20. గనేశ్‌ హన్స్‌దా - ఈస్ట్‌ సింగ్భూం, ఝార్ఖండ్‌
స్వస్థలాలకు...
ఈ అమరవీరులకు లేహ్లోని ఆర్మీ ఆసుపత్రి వద్ద సైనిక దళాలు గౌరవ వందనం సమర్పించాయి. అనంతరం వీర సైనికుల పార్ధివ దేహాలను స్వస్థలాలకు తరలిస్తున్నారు.
అఖిలపక్ష సమావేశం
దేశ సరిహద్దుల్లో నెలకొన్న పరిస్థితులు, ఘర్షణలపై చర్చించేందుకు ఈ నెల 19న ప్రధాని నరేంద్ర మోదీ అఖిలపక్ష సమావేశం ఏర్పాటు చేశారు. సాయంత్రం 5 గంటలకు అన్ని రాజకీయ పార్టీల నేతలతో గాల్వన్‌ ఘర్షణలపై వీడియో కాన్ఫరెన్స్‌లో చర్చించనున్నట్టు పీఎంవో ట్విటర్‌లో వెల్లడించింది.
ఇదీ చూడండి: వీరుల ప్రాణ త్యాగాలను వృథాగా పోనివ్వం: మోదీ
